【女團COLLAR】COLLAR諗計整蠱自己隊友　諗盡方法整喊Marf+Day+Winka

由Marf（邱彥筒）、Gao（沈貞巧）、Day（許軼）、Candy（王家晴）、Winka（陳泳伽）、Ivy So（蘇雅琳）及Sumling（李芯駖）組成的女團COLLAR，繼日前推出團歌《idc》後，其YouTube 頻道「COLLAR COLLECTS」亦上載最新一集。

今集節目可謂有笑有淚，內容講述「非雙子座」的Gao、Candy、Ivy、Sumling接受秘密任務，送禮物給3位雙子座壽星：Marf、Winka、Day，並務求要搞喊壽星女。

【女團COLLAR】COLLAR重新出發感情昇華　Gao：今次歌曲好有意義

Winka細佬藏身禮物盒 

節目一開始，「非雙子座」的Gao、Candy、Ivy、Sumling一臉滿滿的信心，皆因她們第一個要搞喊的對象，是容易落淚的Winka，Gao笑言：「一定喊，整張心意咭畀佢（Winka），可能都會喊。」

不過「非雙子座」送給Winka的禮物，當然不是心意咭咁簡單，她們跟Winka一生中最重視的細佬合作，由細佬匿在一特大禮物盒中，手持禮物送給Winka，心思十足。

Marf開心到喊

難怪當Winka拆開禮物時，即哭成淚人，細佬更向Winka表示：「知道你呢排好唔開心，想同你講，唔使太理會網民點諗，熟悉你嘅人，知道你係咩人，你只需努力做好你啲表演，我同你嘅粉絲，會繼續喺背後支持你。」場面感人，在旁的Ivy、Candy與Sumling亦被感動流淚。

其後「非雙子座」亦輕易地搞喊Marf，4人送出機票一張作禮物，順利令Marf開心到喊，Marf指：「見到Boarding Pass已經可以喊，知道有得走，好開心！」

喊點奇怪冇路捉

緊接重頭戲，「非雙子座」Gao、Candy、Ivy、Sumling要「打大佬」整喊Day，4人異口同聲指Day是「Big Boss」，很少見對方喊，Ivy笑言：「佢（Day）喊點好奇怪，好似之前個節目，佢見隔離嗰個玩完機動遊戲喊，佢就喊住講『好似迫咗你上去玩咁』。」

而Candy就指：「所以我哋要用物理反應，我哋只係為眼淚，唔係為咩原因。」

Day眼泛淚光

起初，4人輪流將親自炮製的食物獻給Day，原以為她們以食物來「打動」對方，豈知在最後的甜品才是「撒手鐧」，4人將Wasabi製成抹茶湯丸給Day吃，Day咬了一口表示：「絕交！你哋太唔了解我，我係冇嘢架。」

當以為「非雙子座」任務失敗之際，Gao、Candy、Ivy、Sumling向3位雙子座壽星送上真正的心意咭，並在心意咭寫上肺腑之言並逐一讀出，Sumling打頭陣表示：「To Day豬，生日快樂，同你的相處很舒服，多謝你的天然萌帶給我們很治療的感覺⋯⋯」

這刻，「Big Boss」Day終於失手，眼泛淚光，情景動人。

最新影片推介：徐蒨寧與奶奶專訪

精彩獎賞活動等您發掘：https://bit.ly/3ClEy1R